లైంగిక ఆరోపణల కేసులో నటుడు అర్జున్ కి ఊరట

ప్రముఖ నటుడు యాక్షన్ కింగ్ అర్జున్ పై నమోదైన లైంగిక వేధింపుల కేసు నుంచి విముక్తి లభించింది. మూడేళ్ల క్రితం లైంగిక వేధింపులకు పాల్పడ్డాడని ఆరోపణలపై నమోదైన కేసు పై తగిన సాక్షాధారాలు లేవంటూ న్యాయస్థానానికి తెలియజేశారు బెంగళూరు పోలీసులు.                                                                                                                                                                                                                                                           కేసు నేపథ్యం.                                                                                                                                                                                                                                                                                                                                                                                                                                                                                                                                                                      కన్నడ తమిళ ద్విభాషా చిత్రం “నిబుణన్ “చిత్ర షూటింగ్ లో తనపై లైంగిక వేధింపులు కి పాల్పడ్డాడని హీరోయిన్ శ్రుతి హరిహరన్ నటుడు అర్జున్ పై తీవ్ర ఆరోపణలు చేశారు. షూటింగ్ సమయంలో ఒక పాట చిత్రీకరణలో భాగంగా తనపై అసభ్యంగా ప్రవర్తించాడని, గట్టిగా హత్తుకున్నాడు అని, అభ్యంతరకరంగా తాకారని అన్నారు. చిన్నప్పుడు నుంచి అర్జున్ సినిమాలు చూసి పెరిగిన తను ఆయన చిత్రంలో నటించే అవకాశం రావడంతో ఎంతో ఉద్వేగానికి గురయ్యానని అయితే    అర్జున్ ఇలా ప్రవర్తించడంతో చెప్పక తప్పడం లేదని సోషల్ మీడియా వేదికగా నటి శ్రుతి హరిహరన్ అప్పట్లో ఆరోపించారు. అయితే , ఈ ఆరోపణలు కొట్టిపారేసిన అర్జున్ తను మూడు దశాబ్దాలుగా ఇండస్ట్రీలో ఉన్నానని 150 పైగా చలన చిత్రాల్లో నటించానని నాపై గతంలో ఇటువంటి ఆరోపణలు చేసిన దాఖలాలు లేవని అర్జున్ అన్నారు. ఈ నేపథ్యంలో సుదీర్ఘంగా విచారించిన పోలీసులు విచారణ లో ఎటువంటి ఆధారాలు లభ్యం కాలేదని కోర్టుకు తెలియజేశారు.దీంతో అర్జున్ పై ఇవి ఒట్టి ఆరోపణలని తేలిపోయింది.