పుష్ప పాట పై వివాదం.

అల్లు అర్జున్ హీరోగా సుకుమార్ దర్శకత్వంలో మైత్రి మూవీస్ మేకర్స్, ముత్తంశెట్టి మీడియా తో కలిసి నిర్మిస్తున్న పాన్ ఇండియా చిత్రం పుష్ప. ఇప్పటికే ఈ చిత్ర ట్రైలర్ అల్లు అర్జున్ అభిమానులనే కాకుండా సినీ అభిమానులను అలరిస్తూ ఉంది. ఈ చిత్రంలోని పాటలు సూపర్ హిట్ గా నిలిచాయి. ఈ నేపథ్యంలో ఈ మధ్యనే చిత్రంలో ఐటమ్ సాంగ్ ని విడుదల చేసింది చిత్ర బృందం. ఈ ఐటమ్ సాంగ్ లో సమంత నటించడం విశేషం.” ఊ అంటావా ఊహు అంటావా”అని ఈ పాట ప్రస్తుతం మాస్ ఆడియెన్స్ ను అలరిస్తూ ఉంది. ఈ చిత్రానికి చంద్ర బోస్ సాహిత్యాన్ని అందించడం జరిగింది. అయితే ఈ పాటలోని లిరిక్స్ మగవాళ్ళ మనోభావాలు దెబ్బతినే విధంగా ఉన్నాయని ఒక ప్రైవేటు సంస్థ కోర్టును ఆశ్రయించడం జరిగింది. ఈ పాటని నిషేధించాలని కోర్టును కోరింది.17 తారీకు చిత్రం రిలీజ్ ఉండగా ఇప్పుడు ఈ అంశం వివాదం అయింది. అయితే దీనికి సంబంధించి కోర్టు ఎటువంటి ఉత్తర్వులు జారీచేయలేదు