The South9
The news is by your side.

FAU -G: PUBG ని తలదన్నేలా భారత్ కొత్త యాప్.. అక్షయ్ కుమార్ అధికారిక ప్రకటన

after image

ప్రధానమంత్రి పిలుపు మేరకు ‘ఆత్మ నిర్భర్‌ భారత్‌’ ఉద్యమంలో భాగంగా PUBGని రీ ప్లేస్ చేస్తూ భారత్ కొత్త స్వదేశీ యాప్ అందుబాటులోకి తెస్తోంది. తాజాగా దీనిపై అధికారిక ప్రకటన చేశారు బాలీవుడ్ స్టార్ హీరో అక్షయ్ కుమార్.పబ్జీ గేమ్.. దీని గురించి తెలియని వారే ఉండరు అని చెప్పడంలో అతిశయోక్తి లేదు. చిన్న పిల్లలు మొదలుకొని టీనేజ్ యువకుల వరకూ అంతా ఈ గేమ్ మాయలోనే ఉండేవారు. ఇలా ఇదో వ్యసనంగా మారి ఆ తర్వాత చైనా యాప్స్ నిషేధంలో భాగంగా భారత్‌లో నిషేధించబడిన సంగతి తెలిసిందే. దీంతో PUBG కి అలవాటుపడ్డ వారంతా నిరాశ చెందారు. అయితే ఇప్పుడు దాని స్థానంలో FAU -G అనే కొత్త దేశీయ యాప్ అందుబాటులోకి తీసుకురానుండటం ఆసక్తి కలిగిస్తోంది. తాజాగా ఈ విషయమై బాలీవుడ్ హీరో అక్షయ్ కుమార్ అధికారిక ప్రకటన చేశారు.

Post Inner vinod found

ప‌బ్జీతో స‌హా 118 చైనా యాప్స్ భారత ప్రభుత్వం బ్యాన్ చేయడంతో ప్ర‌త్యామ్నాయ యాప్స్ కోసం వెతుకుంటున్నారు యూజర్స్. ఈ నేపథ్యంలో ప్రధానమంత్రి పిలుపు మేరకు ‘ఆత్మ నిర్భర్‌ భారత్‌’ ఉద్యమంలో భాగంగా వాటిని రీ ప్లేస్ చేసేలా పలు స్వదేశీ యాప్స్ అందుబాటులోకి తీసుకొస్తున్నారు. ఇందులో భాగంగా PUBG స్థానంలో FAU -G (ఫియర్‌లెస్‌ అండ్‌ యునైటెడ్‌ గార్డ్స్‌) పేరుతో సరికొత్త స్వదేశీ యాప్ తీసుకొస్తున్నట్లు అక్షయ్ కుమార్ తెలిపారు. త్వరలోనే ఈ మల్టీ ప్లేయర్‌ గేమ్‌ అందరికీ అందుబాటులో ఉండనుందని చెబుతూ ట్వీట్ చేశారు.

ఈ FAU -G గేమ్‌కి మోంటర్‌గా వ్యవహరిస్తున్న అక్షయ్.. ఈ గేమ్ ద్వారా కేవలం వినోదం మాత్రమే కాదు మన సైనికుల త్యాగాలను సైతం తెలియజేయబోతున్నాం అని పేర్కొన్నారు. అంతేకాదు ఈ గేమ్‌ ద్వారా సమకూరే ఆదాయంలో 20 శాతం ‘భారత్‌కా వీర్‌ ట్రస్ట్‌’కు అందజేయనున్నట్లు ఆయన తెలిపారు. బెంగళూరుకు చెందిన ఎన్‌కోర్‌ గేమ్స్‌ సంస్థ రూపొందించిన ఈ FAU -G గేమ్ పోస్టర్ అందరితో పంచుకుంటూ ఆసక్తి రేకెత్తించారు. అక్షయ్ చేసిన ఈ ప్రకటన చూసి కొందరు గేమ్ ప్రియులు సంతోషం వ్యక్తం చేస్తున్నారు.

Post midle

Comments are closed.