సోలో బ్ర‌తుకే సో బెట‌ర్ ట్రైల‌ర్ విడుద‌ల‌

సుబ్బు దర్శకత్వంలో హీరో సాయి  తేజ్, నభా నటేష్ జంటగా నటించిన సినిమా ‘సోలో బ్రతుకే సో బెటర్’ ట్రైలర్ విడుదలైంది. సాయితేజ్ కటౌట్‌ను కొందరు తగుల బెట్టడంతో ఈ ట్రైలర్ ప్రారంభమవుతుంది. ప్రేమ, పెళ్లి అనే విషయాలకు వ్యతిరేకంగా సాయితేజ్ స్పీచ్ ఇస్తుండడం ఇందులో చూడొచ్చు. శ్రీ వెంక‌టేశ్వర సినీ చిత్ర బ్యాన‌ర్‌పై బీవీఎస్ఎన్ ప్రసాద్ ఈ చిత్రాన్ని నిర్మించారు.

ఈ సినిమాకు తమన్ సంగీతం సమకూర్చారు. ఈ సినిమా నుంచి విడుదలైన పాటలకు ప్రేక్షకుల నుంచి మంచి స్పందన  వచ్చింది. ఈ సినిమాను డిసెంబ‌రు‌ 25న థియేటర్లలో విడుదల చేస్తున్నారు. ఈ మెగా హీరో సినిమాపై అంచనాలు బాగానే ఉన్నాయి.  జీ స్టూడియోస్ సంస్థ థియేట్రికల్ రిలీజ్ హక్కులను కొనుగోలు చేసి విడుదల చేస్తోంది.